ARDEA

I.

ARDEA

Ulyssis et Circes fil. Steph. in Α᾿ντεῖα. Item Persiae urbs Ptolemaeo et Amm. Marcellion.

II.

ARDEA

amnis Galliae in Normannia provine. In Oceanum Britannicum se exonerat, prope Abrincas. Aliis Arduus.

III.

ARDEA

urbs in Lation, a Danae, secundum quosdam, condita, Turni et Rutulorum regia, quasi Ardua, i. e. Magna et nobilis, teste Serviô, in illud Virg. Aen. l. 7. v. 411.

--- --- Locus ardea quondam

Dictus avis, et nunc magnum tenet Ardea nomen.

Hyginus ab augurio avis Ardeam dictam tradit. Alii vero a fervore regionis. Martial. l. 4. Epigr. 60. v. 1.

Ardea solstitio, paestanaque rura petantur,

Quique Cleonaeô sidere fervet ager.

Ubi etiam morbosum locum Ardeam fuisle discimus. Strabo l. 5. Α῞πατα δ᾿ ἡ Λατίνη ἐςτὶν ἐυδαίμων, καὶ παμφόρος, πλὴν όλίγων χ???ρίων,

τῶ κατα την` παραλίαν ὅσα ἑλώδη καὶ νοσερὰ, οἷα τὰ τῶ Α᾿ρδεατῶν, etc. Hinc illud Senecae Ep. 105. Quae observanda tibi sunt, ut tutior vivas, dicam. Tu tamen sic audias, censeo, ista praecepta, quomodo si tibi praeciperem quâ ratione bonam valetudinem in Ardeatino tuereris. Hanc urbem, post Turni mortem, igue consumptam, et in avem sui nominis commutatam fabulatur Ovid. Met. l. 14. fab. 14. v. 573.

---- Cadit Ardea, Turno

Sospte, dicta potens, quam postquam barharus ignis

Abstulit, ac tepidâ iacuerunt tecta favillâ,

Congerie e media tum primum cognita praepes

Subvolat, et cineres plausis everberat alis:

Et sonus, et macies, et pallor, et omnia, captam

Quae deceant urbem, nomen quoque mansit in illa

Urbis, et ipsa suis deplangitur Ardea pennis.

Nunc in ruinis iacet. Manet tantum castrum Marchionatus Caesarinae gentis in ora maris Tirrheni longitud. 36. 25. latitud. 41. 30. Nic. Lloydius. Instaurata haec urbs fuerat post primam deflagrationem, quae sub Aenea contigit; unde Ardeae Rutulorum meminit Liv. l. 1. c. 57. sub Tarquinio. Postea vero ab Hannibale denuo cversa ac incensa legitur, apud Servium. Salmas. ad Solin. p. 57.